ფოლადაურის თაღოვანი ხიდი

ფოლადაურის თაღოვანი ხიდი

ფოლადაურის თაღოვანი ხიდი ქვემო ქართლის მხარეში, ბოლნისის მუნიციპალიტეტში მდებარეობს, მდინარე ბოლნისისწყალზე (მდ. ფოლადაური), სოფ. ფოლადაურიდან 7 კმ-ის დაშორებით. ნაგებობა განვითარებულ შუა საუკუნეებს მიეკუთვნება. ხიდი ერთმალიანია და კუზიანი. ბურჯები ორივე მხარეს კლდოვან ქანზეა დამყარებული. თაღი არასრული ნახევარწრის მოხაზულობისაა, რომელსაც ორ ადგილას ოდნავ გადატეხილი ფორმა აქვს. ნაგებობა მსუბუქი პროპორციებით ხასიათდება და ორგანულად ერწყმის გარემოს, რაც დამახასიათებელია შუა საუკუნეების ქართული თაღოვანი ხიდებისთვის. ხიდი ნაგებია ფლეთილი ქვით დუღაბზე. ფოლადაურის თაღოვანი ხიდის მიმდებარედ შეგიძლიათ მოინახულოთ გვიანი შუა საუკუნეების ორი ეკლესია. ფოლადაურის ხეობაში, სოფელ სამტრედოსთან, მდებარეობს კიდევ ერთი თაღოვანი ხიდი, რომელიც გვიან შუა საუკუნეებს მიეკუთვნება.

 

 

კომენტარის დატოვება

თქვენი ელფოსტის მისამართი გამოქვეყნებული არ იყო.