განძის მენჰირი

განძის მენჰირი

განძის მენჰირი (განძის ვეშაპი) სამცხე-ჯავახეთის მხარეში, ნინოწმინდის მუნიციპალიტეტში, სოფელ განძასთან (იგივე განძანი) მდებარეობს. იგი ძვ.წ. II-I ათასწლეულებით თარიღდება. ლიტერატურაში Read more

სამცხე-ჯავახეთის ტურისტული რუკა

სამცხე-ჯავახეთის ტურისტული რუკა

ჭიქიანის მენჰირი

ჭიქიანის მენჰირი

ჭიქიანის მენჰირი ძვ.წ. II-I ათასწლეულების მეგალითია. იგი სამცხე-ჯავახეთის მხარეში, ნინოწმინდის მუნიციპალიტეტში მდებარეობს, სოფელი ნარდევანიდან ფარავნისაკენ მიმავალი სამაქანო გზისა და მარაბდა-ახალქალაქის რკინისგზის სამხრეთით, ზღვის დონიდან 2168 მეტრზე, ჭიქიანის მთასთან. მენჰირი დამზადებულია ბაზალტის მონოლოთისაგან. წვერზე გაკეთებული აქვს ღრმული. მისი სიმაღლე დაახლოებით 3 მეტრია. მონოლითის ძირი წახნაგოვანია, თუმცა ეს ნაწილი მიწაშია მოქცეული და მხოლოდ ფოტოში შეგვიძლია ნახვა. მენჰირს დიდი ვარაუდით ჰქონდა საკულტო დანიშნულება (ნაყოფიერების კულტი). მის მიმდებარე ტერიტორიებზე არის ყორღანები და ნამოსახლარები. იქვეა თავფარავნის ობსიდიანის საბადოც და მწვანე მინდორში მიმოფანტული მოელვარე შავი ქვები ძალიან ლამაზ სანახაობას ქმნის.

ფოტო-კოლაჟისთვის გამოყენებული ფოტოების წყარო: memkvidreoba.gov.ge

 

ზემო ვარძია

ზედა ვარძია

ზემო ვარძია

ზედა ვარძია  XI საუკუნის I ნახევრის ღვთისმშობლის სახელობის ეკლესიაა. იგი სამცხე-ჯავახეთშივარძიის ჩრდილო-დასავლეთით 3 კმ-ზე მდებარეობს, მთის ფერდობზე, ხელოვნურად შექმნილ ბაქანზე.

 

არქიტექტურა

ზედა ვარძია ორნავიანი ეკლესიების ტიპს მიეკუთვნება. მას სამხრეთით ღია სტოა აქვს. დასავლეთის მინაშენი უფრო გვიანდელი პერიოდისაა. ტაძარი ნაგებია კარგად გათლილი მოწითალო-იასამნისფერი ტუფანდეზიტის კვადრებით, შიგნით კი დიდრონი თლილი ქვებითაა მოპირკეთებული. ღრმა აფსიდით დაბოლოებული მთავარი ნავი მაღალი და ფართოა, ჩრდილოეთისა კი – დაბალი და ვიწრო. ისინი ორ ბურჯზე დაყრდნობილი თაღებით არიან დაკავშირებული. ინტერიერში შეიმჩნევა მოხატულობის კვალი. ორივე ნავი ერთიანი, ორფერდა სახურავითაა გადახურული. ეკლესია გარედან უხვადაა მორთული ჩუქურთმებით. შესასვლელის თავზე სტილიზებული ასომთავრული წარწერაა.