ტესტი: დავით გარეჯის მონასტრები
დავით გარეჯის მონასტერი დაარსდა VI ს-ში, ერთ-ერთი ასურელი მამის, დავით გარეჯელის მიერ. იგი ერთმანეთისგან დიდი მანძილით დაშორებულ მრავალ სამონასტრო კომპლექსს მოიცავს: დავითის ლავრა, უდაბნო, ვერანგარეჯა, ჩიჩხიტური, დოდოს რქა, ბერთუბანი, თეთრი სენაკები, შავი სენაკები, დიდი ქვაბები, პატარა ქვაბები, საბერეები, ბერთა სერი, ქოლაგირი, ნათლისმცემელი, წამებული, მრავალწყარო, პირუკუღმარი, სატორგე და სხვა. ბერთუბანი ამჟამად აზერბაიჯანის ტერიტორიაზეა, უდაბნო და ჩიჩხიტური სადავოა და მათი მონახულება დღესდღეობით შეუძლებელია. დავით გარეჯის მონასტრებში დაცულია არქიტექტურული თავისებურებებით გამორჩეული კლდეში ნაკვეთი ეკლესიები და უნიკალური კედლის მხატვრობა.
